Udako liburutegia ekainaren 17tik abuztuak 30era luzatuko da eta epealdi honetan Legazpiko Udal Liburutegia irekita egongo da, goizeko ordutegiarekin 10:00etatik 14:00etara. Arratsaldez itxita egongo da. Ordutegi honetatik kanpo eta asteburuetan, liburuak itzuli nahi badira, gogoratu Kultur Etxeko sarreran dagoen buzoian itzuli daitezkela.
Baina ordutegi hau ez bada bateragarria zurearekin, jakin liburutegiak udalaren Harleku zerbitzua erabiltzen duela ere. Harleku zerbitzua, 11 leihatila elektroniko dituen armairu bat da non Legazpiko Udal Liburutegiak bere bazkideei liburuak utzi ahal izango dizkie, udako ordutegi honetan liburutegira ezin bertaratu direnentzat.
Erabilpena oso erraza da:
- Aukeratu zein liburu nahi duzun irakurri liburutegiko katalogotik. Erabili horretarako Liburubila bilatzailea interneten.
- Nahi duzun dokumentua hor agertzen bada edo ez, deitu liburutegira edo bidali mezu bat zure eskaera osatzeko. Liburua/k aukeratuta eta eskatuta, altan emango zaitugu zerbitzuan.
- Ondoren liburutegiak, Harleku armairua irekitzeko irekiera-kodea bidaliko du eskaera egin duen pertsonaren mugikorrera. Liburutegiko erabiltzaileak, kode hori sartuta armairua irekiko du eta hobeto datorkion momentuan eraman ahal izango ditu liburuak etxera
Harleku armairua, Urbeltz pilotalekuaren ondoan dago eta erabilera doakoa da. Herriko merkatariek eta baserritarrek (MP4, 14 MB) 
ere erabiltzen dute.
Informazio gehiago nahi izanez gero hemen liburutegiko telefonoa deitzeko 943737186, whatsApp-a mezuak bidaltzeko 631851172 edo liburutegiko posta elektronikoa mezuak bidaltzeko da: liburutegia@legazpi.eus