Legazpiko Udal Liburutegia

Legazpiko Udal Liburutegiko bloga

Ipuin kontaketak Legazpiko Udal Liburutegira itzuliko dira

Argitalpen-data: 

Ipuin kontalarien saioak irailean Legazpiko Udal Liburutegira itzuliko dira kontalari ezagunen eskutik.

Ipuinak, istorioak, alegiak eta abestiak bizi, sentitu eta gozatu ahal izango dira asteazkenetan, hilero bat eta irailetik abendura bitartean, Amaia Puin, Pello Añorga, Ines Bengoa eta Lur Korta ipuin kontalari eta idazleen eskutik.

Udako oporraldiaren ondorengo 4 asteazkenetan zehar, irailean hasi eta abendurarte, kontatutako hitzak liburutegiko aretoa beteko du berriro 3 urtetik aurrerako haurrekin, partekatutako konplizitate une berezi eta hunkigarriak eraginez.

Jarduera doakoa izango da eta edukiera mugatua.

Ekitaldi horiei buruzko informazioa, ipuin-kontaketa egin baino astebete lehenagotik zabalduko da: liburutegiko blogean, herriko informazio-paneletan eta sare sozialetan. Parte hartzeko baldintza bakarra ipuin-kontaketarako adin egokia izatea izango da. Ekitaldiak garatzen diren unean indarrean dauden COVID-19aren aurkako prebentzio neurriak aplikatuz egingo dira.