Arauak eta jarraibideak

MAILEGU ZERBITZUA ERABILI AHAL IZATEKO:

• Inprimakia bete behar da (14 urtetik beherakoen kasuan, guraso edo tutoreek sinatuta).
• Liburutegiko bazkide-txartela egitea doakoa da, baina galtzen bada 3,70€ ordaindu behar da berria egin ahal izateko.
• Helbidea edo telefonoa aldatuz gero, liburuzainari jakinaraziko zaio.
• Bazkide-txartela Euskadiko Irakurketa Publikoko Sare osoan erabili daiteke, mailegu zerbitzua erabiltzeko batez ere.

MAILEGATU DAITEKEEN DOKUMENTU KOPURUA:

• Zure liburutegian: 3 liburu (21 egunen barruan itzultzeko), 3 ikus-entzunezko (7 egunen barruan itzultzeko) eta hainbat aldizkari.
• Sareko beste liburutegietan mailegatu daiteke.
• BUZOIA: Liburutegiaren ordutegitik kanpo itzulketak egiteko izango da. 
• EPE-LUZATZEA: Dokumentuen epea behin luza daiteke, liburutegian bertan, telefonoz, edo Internet bidez (erreserba duten dokumentuak eta epez kanpo daudenak izan ezik). 
• ERRESERBAK: Liburutegian edo Internet bidez egin daitezke. Gehienez bi erreserba egingo dira. Dokumentuak jasotzeko epea bi egunekoa da.
• MAILEGU-ESKAERAK: Euskadiko Irakurketa Publikoko Sareko beste liburutegi batzuetara gehienez bi mailegu-eskaera egin daitezke. ISUNAK: Atzerapen-egun bakoitzeko eta dokumentu bakoitzeko, egun bateko etenaldia izango da sare osoan.
• DOKUMENTUAK GALDU EDO PUSKATZEA: Dokumenturen bat galdu edo puskatzen bada, berria ekarri behar da.

ERABILTZEKO ARGIBIDEAK:

• Liburutegi elektronikoko ordenadoreek honako aukerak dituzte: kontsultarako Internet sarbidea, ofimatika eta haur liburutegiak instalatuta dauzkan CD-ROMak.
• Zerbitzua erabili nahi duenak, irakurle txartela aurkeztu behar du aurretik, erakusmahaian. Helduek zein haurrek 60 minutuz erabiltzeko aukera izango dute, eguneko.
• 10 urte baino gutxiago dutenek tutore batekin etorri behar dute.
• 10-14 urte bitartekoek, gurasoen edo arduradun baten baimen idatzia beharko dute (baimena emateko inprimakia liburutegian bertan bete beharko dute).
• Ordenagailu bakoitzean bi pertsona ariko dira gehienez, eta isiltasunean.
• Ordenagailua itzaltzen den aldiro, hasierako konfiguraziora itzultzen da. Beraz, liburutegiak ez du bermatzen gordetzen den informazioa hor izatea. Segurtasun eta konfidentzialtasun kontuengatik ordenagailua erabili ondoren itzali egin beharko da.
• Inprimaketak egiteko orriak liburutegiko erakusmahaian eskatu beharko dira, eta udal ordenantzetan zehaztuta duten prezioen arabera kobratuko dira bertan. Bestalde, informazioa “pen-drive”etan grabatu ahal izango da.
• Guztiz debekatuta dago ordenagailua edonola erabiltzea. Ezingo dira erabili liburutegikoak ez diren programak, CD-ROMak, etab., edota ordenagailuko konfigurazioa aldatu.
• Liburutegiak ez du bere gain hartuko erabiltzaileak jasoko duen informazioaren erantzukizuna, ez eta erabiltzailearen ordenagailuan CD-ROMak instalatzetik letozkeen eragozpenak ere.