Udal Liburutegiak jolas honen 4. edizioa egingo du, irakurketa sustatzeko asmoarekin, apirilaren 2tik ekainaren 9ra.
Jolasaren arauak:
- Liburutegiko bazkide izan behar da parte hartu ahal izateko. Lehen Hezkuntzako 2. mailatik aurrera.
- Aukeratu liburu bat. Behin irakurrita, Liburutegian emango dizugun fitxa bat bete beharko duzu.
- Jolasteko momentua iritsi da. Biratu erruleta eta erantzun egiten dizugun galderari.
- Zuzen erantzundako galdera bakoitzeko, laukitxo bat betetzea lortzen duzu. Irakurritako liburua euskaraz bada, laukitxoak bi izango dira.
- Parte-hartzaile guztientzako detailetxo bat egongo da.
Jolastu ahal izateko, izena eman behar da Liburutegian.
