Liburutegia

GALLARTAKO LIBURUTEGIA
Astelehenetik ostiralera, 10:00etatik 13:30etara eta 16:30etatik 20:00etara.

LAS CARRERASEKO LIBURUTEGIA
Astelehenetik ostiralera, 16:00etatik 20:00etara.

Etxerako mailegua
Zerbitzu honen bidez liburutegietako erabiltzaileek liburuak etxera eramateko aukera izango dute epe eta baldintza jakin batzuekin. Irakurle txartela izanez gero zerbitzua doan erabili daiteke. Txartela lortzeko inprimaki hau bete eta liburutegietako mailegu mahaian aurkeztu behar da. Irakurle txartelak Euskadiko udal liburutegi guztietan dokumentuak hartzeko aukera ematen du.
Mailegu baldintzak: zure udal liburutegitik 3 liburu eraman ditzakezu etxera eta sareko gainontzeko liburutegietatik 5 liburu gehiago har ditzakezu.
Liburuak itzultzeko epea 15 egunekoa da. Nahi baduzu, beste 15 egunez luzatu ahalko duzu mailegua. Norbaitek liburu horren erreserba egin badu, ezin izango duzu mailegua berritu.

Liburutegien arteko mailegua
Zure ohiko liburutegian eskuragarri ez dauden liburuak Euskadiko Irakurketa Publikoko Sareko beste liburutegietara eska ditzakezu.
Liburutegien arteko maileguak liburutegietan bideratu egiten dira, beraz liburutegira joan beharko duzu eskaera egiteko eta liburua jaso eta itzultzeko. Kontuan izan liburuen banaketa astean behin baino ez dela egiten eta egun batzuk igaro daitezkeela eskaria egiten denetik liburua heltzen den arte.

Informazio eta erreferentzia
Liburutegietan erabiltzaileen informazio beharrei erantzuna ematen saiatzen gara. Informazioa mota askotakoa izan daiteke: liburutegiaren funtzionamenduari buruz, kontsulta bibliografikoak, bertoko informazioa... eta erabiltzen ditugun iturriak ere ezberdinak dira, ohiko materialak izan daitezke (erreferentzia lanak, liburutegiaren katalogoa, etab.) zein interneten aurkitutako informazioa.

Internet konexioa
Interneterako sarbidea duten ordenagailuak eta wifi konexioa aurkituko duzu gure instalazioetan.